Фарғонадан Қирғизистонга микроавтобус қатнови тикланди
Фарғона—Қувасой—Қизил-қия халқаро йўналишида микроавтобус қатнови 26 январдан қайта тикланди.
Транспорт вазирлиги матбуот хизматининг маълум қилишича, Фарғона ва Қирғизистоннинг Баткен вилоятидаги Қизил-қия шаҳри ўртасида амалга ошириладиган мазкур қатнов икки чегарадош вилоят ўртасидаги борди-келди учун муҳим йўналишлардан бири ҳисобланади.
2020 йилгача мавжуд бўлган мазкур қатнов пандемия даври чекловларида тўхтаб қолган эди.
Қирғизистон томонидан “Қизил-қия ПATP”, Ўзбекистон томонидан эса Daewoo Транс Сервис МЧЖ хизмат кўрсатувчи йўналиш умумий масофаси 39,5 километрни ташкил этиб, йўлкира нархи 12 минг сўм этиб белгиланди.
Микроавтобуслар Қизил-қия ва Фарғонадан тонгги соат 7:20 да ҳаракат бошланиши назарда тутилган.
Келгусида аҳоли талаб ва эҳтиёжларини инобатга олган ҳолда қатновларни кўпайтириш режалаштирилмоқда.
