BYD: энди расман Ўзбекистонда!

Шу йилнинг 23 январь санасида UzAuto ва BYD компаниялари расман Ўзбекистонда янги энергия манбаларида ҳаракатланувчи автомобилларни ишлаб чиқариш ва сотиш билан шуғулланувчи BYD Uzbekistan Factory МЧЖ қўшма корхонасини рўйхатдан ўтказди.

BYD Uzbekistan Factory компанияси, Хитойнинг электромобил ишлаб чиқаришда гиганти ҳисобланувчи BYD компаниясиниг мамлакатдан ташқаридаги илк ҳамкорлик лойиҳаси бўлди. Бу, албатта, ўзбек автомобилсозлигига берилган ижобий баҳолардан бири ҳамдир.

Қўшма корхонанинг асосий йўналишлари бу Ўзбекистонга янги энергия манбаларида ҳаракатланувчи BYD автомобилларини етказиб бериш, ишлаб чиқариш ва сотишдан иборат. Натижада яқин келажакда Ўзбекистонда BYD автомобилларини маҳаллийлаштириш мақсадида ишлаб чиқаришга мўлжалланган тўлиқ цикл ишга туширилади.

BYD Uzbekistan Factory электромобиллардан ташқари, Ўзбекистон бозорига BYD бренди остидаги энг таниқли plug-in (PHEV) гибрид электромобилларини ҳам олиб кирмоқчи. Бу турдаги автомобиллар битта заряд ва заправка билан 1 000 километрдан ортиқ масофани босиб ўта олади.

Тез орада BYD электромобиллари, шу жумладан, гибрид электромобиллари расмий дилерлик марказларида мижозлар учун тақдим этилади. Бу ўз навбатида BYD электромобиллари эгалари учун юқори малакали мутахассислар расмий ускуналар ва дастурий таъминотлар ёрдамида хизмат кўрсатишини англатади. Ҳайдовчилар усталарни қидириш, прошивка масаласида бош қотирмаслиги кафолатланади, чунки автомобиллар тўлиғича ўзбекистонликлар учун мослаштирилган бўлади.

BYD Uzbekistan Factory компанияси Ўзбекистонда уч турдаги BYD моделларини тақдим этади:

• BYD Chazor 05 DMi (гибрид)

• BYD Song Plus DMi (гибрид ва электромобил)

• BYD Han (электромобиль)

Тез орада Тошкент шаҳрида Автомобильлар сотуви ва сотувдан кейинги хизмат кўрсатиш учун эҳтиёт қисмлар, сервис хизматларини кўрсатувчи дилерлик тизими ва станциялар ташкил этилади. Бундан ташқари, ўзбек, рус ва инглиз тилларида ишловчи овозли ёрдамчи, интерфейс ва дастурий таъминот Ўзбекистонда автоматик тарзда доимий янгиланиб турилади.

Албатта, халқаро электромобил ишлаб чиқарувчи лидернинг Ўзбекистонга кириб келиши ўзбек автомобиль бозорида ўз сўзини айтмай қўймайди, автомобилни харид қилмоқчи бўлган мижозлар янги энергия манбаларида ҳаракатланувчи автомобилларнинг устунлик томонларини ўзида ҳис этади ва автомобилларни “қўлдан” эмас, компаниянинг ўзидан бемалол харид қила олади.

Компания дилерларидан янги энергия манбаларида ҳаракатланувчи автомобилларни расмийлаштириш орқали сиз нафақат унинг тўлиқ қулайлигини ҳис этасиз, балки ҳам арзонроқ, ҳам кафолатланган автомобилдан фойдаланиш имкониятини қўлга киритасиз.

BYD – янги энергия манбаларида (НЕВ) ҳаракатланувчи транспорт воситаларини ишлаб чиқаришда Tesla компаниясини ҳам ортда қолдириб, дунё етакчиси бўлиб турибди.

Реклама ҳуқуқи асосида