Шу йилнинг 18 январь куни Брэд Питт 59 ёшга тўлди. Питт Голливуднинг энг машҳур актёрларидан бири ҳисобланади. Унинг карераси 90 йилларда бошланган ва шундан бери актёр муваффақият қозониб келмоқда. Қизиғи шундаки. актёр умумий бойлигининг – 300 миллион долларнинг бир қисмини 4 миллион доллардан ортиғини ҳайратланарли автомобиллар коллекциясига сарфлаган. Унинг гаражида йўлтанламаслар, седанлар, кабриолетлар, спорткарлар, электромобиллар жой эгаллаган.
Tesla Model С
“Оскар” мукофотига сазовор бўлган актёрнинг гаражида бир эмас, иккита қора ва кумуш рангли Tesla Model С бор. Америка Қўшма Штатларида Model С’нинг 2022 йилда нархи тахминан 100 000 доллардан бошланади. Яқинда у ўзининг қора Tesla’сида Анжелина Жоли билан бирга суратга тушган, сўнгра кумушранг Model С’ида аварияга учраган.
Chevrolet Tahoe
Яқинда Бред Питтни 2014 йилда ишлаб чиқарилган Chevrolet Tahoe йўлтанламасида кўришган. Қизиғи шундаки, уни МcDonalds’s ёнида суратга олишган, оддий ҳаётда актёр бойлигига қарамай, ҳашаматли ҳаётини кўз-кўз қилмайди. Аммо тармоқ фойдаланувчилари бу камтарликдан эмас, балки мухлислар эътиборини жалб қилишни истамаслик дейишади. Tahoe қуввати 5,3 литрли V8 двигатели билан жиҳозланган.
Lexus LS 460 F Sport
Бред Питт кумуш рангли Lexus LS 460 F Sport автомобилига эга бўлиб, кундалик ҳаётда ундан тез-тез фойдаланади. Актёрни бу машинада фарзанди ва собиқ рафиқаси Анжелина Жоли билан бир неча бор кўришган. Машина қонуний равишда унга тегишли ёки йўқлигини айтиш қийин, чунки ажрашгандан кейин Анжелина Lexus’га эга бўлган дейишади. Lexus LS Series седани ҳашаматли ташқи кўриниш ва самарадорликни мукаммал бирлаштириб, атиги 5,6 сонияда 100 км/соат тезликка эришади.
BMW Hydrogen 7
Мазкур автомобил қиммат бўлмаса-да, лекин актёрнинг гаражидаги энг ноёб нусха ҳисобланади. BMW Hydrogen 7 2007 атиги 100 дона ишлаб чиқарилган. Машина шу қадар эксклюзивки, фақатгина бир нечта машҳур кишилар ва BMW топ-менежерлари унга эгалик қилади. Питтнинг Hydrogen 7 машинаси кумуш рангга бўялган, уни охирги марта “Оушеннинг13 дўсти” фильми премерасида кўришган. Ушбу модел қанчалик ноёб эканлигини ҳисобга олсак, унинг қимматлиги ажабланарли эмас — АҚШда 118 000 доллар атрофида. Бред Питтга тегишли BMW Hydrogen 7 256 от кучига эга 6,0 литрли В12 двигатели билан жиҳозланган ва у ҳам водород, ҳам оддий ёқилғида ишлай олади.
Aston Martin Vanquish Carbon Edition
Актёр коллекциясида қора рангли Aston Martin Vanquish Carbon Edition 2015 йил модели ҳам бор. Машинани унга собиқ рафиқаси Анжелина Жоли совға қилган, ажрашгандан кейин эса машина Бредда қолган. Vanquish Carbon Edition’нинг умумий оғирлигини камайтириш учун кўплаб қисмлар углерод толасидан қилинган. Анжелина турмуш ўртоғи учун танлаган купе версиясининг АҚШдаги нархи 300 000 долларни ташкил этди. Машина 567 от кучига эга 6,0 литрли В12 двигатели билан жиҳозланган.
Bentley Continental GT
Bentley Continental GT — Бред Питт гаражидаги яна бир машина бўлиб, актёр ундан камдан кам фойдаланади. АҚШда нархи 200 000 доллардан бошланадиган ҳашаматли Bentley автомобилида Питт махсус тадбирларда ва тақдирлаш маросимларида қатнашади. Машина 4,0 литрли икки турбо қувватли V8 двигатели билан жиҳозланган ва унинг максимал тезлиги 318 км/соатни ташкил қилади.
Lamborghini Aventador LP 700-4
Нархи 400 минг доллар бўлган Lamborghini Aventador LP 700-4 Бред Питт коллекциясидаги энг қиммат автомобиль ҳисобланади. Бу машинада рассомни камдан кам учратиш мумкин, аммо Aventador гараж дурдонаси бўлиб қолмоқда. Актёр 700 от кучига эга 6,5 литрли В12 двигатель билан жиҳозланган тўлиқ ғилдиракли моделга эга. Lamborghini Aventador LP 700-4 2,9 сонияда 0-60 тезликка эриша олади ва 350 км/соат тезликка эга.
Мавзуга доир:
Изоҳ (0)