Forbes журнали АҚШнинг энг саховатли 25 миллиардери рейтингини тақдим этди. Уларнинг ҳар бири бутун умри давомида хайрия ишларига қанча пул юборгани ҳисоблаб чиқилди.
Google асосчиларидан бири, 2,55 миллиард доллар хайрия қилган Сергей Брин биринчи марта рўйхатга кирди. У Berkshire Hathaway эгаси Уоррен Баффет бошчилигидаги рейтингда 14-ўринни эгаллади.
Брин Паркинсон касаллигини ўрганиш, иқтисодий ҳаракатчанлик ва иқлим ўзгаришига қарши кураш учун хайрияларда қатнашади.
Жумладан, Сергей Брин Паркинсон касаллигини ўрганишга 1,1 миллиард доллар хайрия қилган. Бу ҳолат бир неча йил аввал аниқланган эди.
Рўйхатда Berkshire Hathaway эгаси Уоррен Баффет етакчилик қилмоқда. Forbes USA маълумотларига кўра, 92 ёшли Баффет ўз ҳаёти давомида хайрия ишларига 51,5 миллиард доллар хайрия қилган (ўтган йилнинг ўзида 5,4 миллиард доллар).
Энг сахий миллиардерлар бешлигидан Microsoft асосчиси ва унинг собиқ рафиқаси Билл Гейтс ва Мелинда Френсис Гейтс (бир умрлик хайрия 38,4 миллиард доллар) ҳамда молиячи Жорж Сорос ва унинг собиқ рафиқаси (18,4 миллиард доллар), Amazon асосчиси Жефф Безос (14,43 миллиард доллар) ва Нью-Йоркнинг собиқ мэри Майкл Блумберг (14,4 миллиард доллар) ҳам жой олди.
Изоҳ (0)