Бугун,

  • USD 11095.31
  • RUB 173.84
  • EUR 10772.44

Фарғона вилояти ҳокими Хайрулла Бозоров фармойиши билан Жанубий Кореянинг “Корея поп-оркестри” ва ишбилармонлар делегациясининг вилоятга ташрифини ташкил этиш ишларига 177 миллион сўм ажратилган. 

Скрин: “хarid.uzex.uz”

Жумладан, хорижлик меҳмонларни озиқ-овқат билан таъминлаш хизмати “Афросиёб Тарих ва Келажак” МЧЖ зиммасига юклатилган. Икки томон ўртасида тендерсиз амалга оширилган харид келишувига кўра, бу учун тадбиркорлик субъекти ҳокимликдан 88 миллион 702 минг сўм олган.

Меҳмонлар учун меню
Скрин: Харид шартномаси

Ҳужжатга кўра, Корея делегацияси дастурхонига 40 турдаги маҳсулот тортилади. 

Блогер Зафар Солижонов ҳолатга эътибор қаратган. У бюджет маблағларини тежамкорлик билан ишлатиш зарурлигини таъкидлаган.

“Декабрда Жанубий Кореядан поп оркестри ва ишбилармонлар келганакан. Кутиб олиш, кузатиш ишларига Бозоров фармойиши билан 177 миллион сўм ажратилибди. Аслида келган меҳмонларга ўзимиздаги мевалар, шакароб ва аччиқ маставамиз қизиқ бўлади. Булар эса Кореяда арзон, лекин бизда қиммат ва килоси 450-480 минг сўмлик фоэйхуа, голубика меваларини қўйишибди. Сал пулимизни тежаб ишлатинглар, ҳокимиятдагилар. Ижтимоий соҳага ёъналтирсангиз, минг марта розимиз”, — деб ёзади Солижонов Telegram’даги каналида.

Изоҳ
Асосий янгиликлар
Маҳаллий
“Андижонда 127 минг нафар ишсиз фуқаро мавжуд. Ҳар йили яна 50 минг нафар ёшлар меҳнат бозорига кириб келади” — президент 
Маҳаллий
Ўзбекистонда 2 февралдан метан заправкалар фаолияти тикланади
Маҳаллий
Жиззах, Самарқанд, Фарғонада электр тармоғига ноқонуний уланиб, қарийб 250 млн сўм зарар етказган тадбиркорлар ушланди