Twitter’да рекламасиз янада қимматроқ обуналар пайдо бўлиши кутилмоқда

Twitter ижтимоий тармоғида фойдаланувчиларни рекламадан қутқарадиган янги обуна пайдо бўлиши кутилмоқда. Бу ҳақда Илон Маск ўз Twitter саҳифасида хабар берди.

Таъкидланишича, бу обуна ҳозирги обунадан қимматроқ бўлади.

«Сизга рекламаларни олиб ташлаш имконини берувчи қимматроқ обуна тақдим этилади», — деб ёзган Маск.

Унга кўра, ҳозирда Twitter’да рекламалар жуда кўп ва тез-тез учрайди.

Ноябрь ойи бошида Twitter дастурининг янгиланган версиясида кўк верификация белгисини сотиб олиш имконияти ҳақида маълумот пайдо бўлди. Бу Маск компанияни сотиб олгандан кейин таклиф қилган биринчи янгиликдир.

11 ноябрда эса ижтимоий тармоқ Twitter Blue премиум-обуна фойдаланувчиларининг аккаунтлари ҳақиқийлигини билдирувчи кўк «галочка»ларни ойига саккиз доллар эвазига сотишдан воз кечди. Бунга сабаб эса уларни сохта аккаунтлар сотиб ола бошлагани бўлди.

13 декабрдан Twitter ижтимоий тармоғида аккаунтларга верификация белгисини (кўк «галочка») олиш имконини берувчи Twitter Blue обунасининг сотуви қайта бошланди.