«Манчестер Сити» ҳужумчиси Эрлинг Ҳоланд Премер Лига 21-тури доирасида кечган «Вулверҳэмптон»га қарши ўйинда (3:0) учта гол муаллифига айланди.
Ҳоланд АПЛдаги 19 та ўйини давомида 4 та ҳет-трик қайд этишга эришди ва бу натижага эришиш учун энг кам ўйин сарфлаган футболчига айланди. Бундан аввалги рекордчи Руд ван Нистелрой 65 та ўйинда бу натижага эришганди.
Ҳоланд Премер Лигадаги ҳет-триклари сони бўйича Криштиану Роналдудан ўзиб кетди ва Муҳаммад Салоҳга етиб олди.
Норвегиялик футболчи АПЛ жорий мавсумида 25 та гол урган ҳолда тўпурарлар рўйхатидан етакчилик қилмоқда. Энг яқин таъқибчи Ҳарри Кейн («Тоттенҳэм») ҳисобида 15 та тўп мавжуд.
Изоҳ (0)