«Аэрофлот» компанияси самолёти 18 январь куни Москвадан Гоага учаётган вақтида Урганчга қўндирилди. Бу ҳақда Uzbekistan Airports ахборот хизмати хабар берди.
АФЛ236 йўловчи рейси Гоа йўналиши бўйича учаётган вақтда маст ҳолатда зўравонлик қилган йўловчи сабаб Урганч халқаро аэропортидаги муқобил аэродромга келиб қўнган. Экипаж самолёт бортига милиция ходимларини чақирган.
«Бортида 356 йўловчи бўлган Boeing 777-300 самолёти маҳаллий вақт билан 20:29 да фавқулодда қўнишни амалга оширди. Зўравон йўловчи рейсдан олинди. Ҳаво кемаси Урганчдан манзил аэропортига парвозини давом эттиради», — дейилади хабарда.
Мавзуга доир: Тошкентдан Олмаотага учаётган самолёт кучли ҳаво гирдобига тушиб қолди
Изоҳ (0)