Экваториал Гвинея президентининг ўғли Руслан Обианг Нсуэ мамлакат миллий авиакомпаниясига тегишли самолётни сотишда айбланиб, ҳибсга олинди. Бу ҳақда Africa News хабар берди.
Ноябрь ойи охирида расмийлар Ceiba Intercontinental миллий компаниясига тегишли ATR 72-500 самолёти ғойиб бўлганини пайқагач, тергов бошлаган. АТР самолёти авиацияга техник хизмат кўрсатишга ихтисослашган ва Испаниянинг Гран Канариа оролида жойлашган Binter Technic компаниясига сотилгани айтилмоқда.
Самолёт 2018 йилда режали техник хизмат кўрсатиш учун Испанияга жўнатилган. Обианг уни Испаниянинг Гран Канария оролида жойлашган Binter Technic авиакомпаниясига сотганликда гумон қилинмоқда. ATR 72-500 — 1980 йилларнинг охирида француз-Италия ишлаб чиқарувчиси АТР томонидан ишлаб чиқилган турбовинтли самолёт бўлиб, борт 78 кишини таший олади.
Обианг собиқ спорт ва ёшлар вазири, бугунги кунда Ceiba Aeropuertos компанияси раҳбари ҳисобланади.
«Руслан Обианг Ceiba авиакомпаниясини сотган шахс эканини тан олди. Мен ўзимни оилавий ришталар ёки тарафдорлик билан чалғитишга йўл қўймайман. Шунинг учун уни зудлик билан ҳибсга олиб, адолатга топширишни буюрдим», — деди унинг ўгай укаси, вице-президент Теодоро Нгуэма Обианг.
Абадий президент
Тахминан 1,5 миллион аҳолига эга Ғарбий Африка давлати 1968 йилда Испаниядан мустақилликка эришганидан бери бор-йўғи икки нафар президентга эга бўлди. Обианг 1979 йилда тўнтариш натижасида амакиси Франсиско Макиас Нгуэмани ҳокимиятдан четлатган.
Изоҳ (0)