Пентагон Украинага Исроил армияси омборларидаги 155 миллиметрли снарядларни юбормоқда. Бу ҳақда The New York Times газетаси америкалик ва исроиллик мансабдорларга таяниб хабар берди.
Нашр маълумотларига кўра, АҚШ Украинага араб-исроил низосидан кейин 1970 йиллардаёқ яратилган Америка омборларидаги қуролларни етказиб бермоқда. 2022 йилда АҚШ ва Исроил Украинага 155 калибрли 300 мингта снаряд етказиб бериш ҳақида битим имзолаган эди. Газета маълумотларига қараганда, снарядларнинг деярли ярми аллақачон Европага йўналтирилган.
2022 йил феврали бошидан буён Украина ҳукумати Исроилдан «Темир гумбаз» ҳаво ҳужумига қарши мудофаа тизимлари ва Спике танкка қарши ракеталарини сўраб келаётган эди. 2022 йил октябрида Исроил мудофаа вазири Бени Ганс унинг мамлакати Украинага қурол сотмагани ва сотмаслигини ҳам айтди. Исроил ҳукумати даъво қилишича, ҳарбий ёрдам ўрнига улар Украинага тиббий ва гуманитар ёрдам етказиб бермоқда.
Axios газетаси манбаларига кўра, Исроил Россия унинг Суриядаги манфаатларига етказиши мумкин бўлган зарардан хавфсирамоқда. Исроилнинг Haaretz газетаси манбаларига таяниб, Исроил АҚШ босими остида Украинага миллионлаб долларлик аллақандай «стратегик материаллар» етказиб беришни молиялаштиргани ҳақида хабар берганди.
Изоҳ (0)