Россиянинг Ненец автоном округида Ан-2 енгил самолёти музлаш туфайли қулаб тушди. Бу ҳақда Россия Фавқулодда вазиятлар вазирлиги хабар берди.
Ҳодиса Каратайка қишлоғидан ўн километр узоқликда юз берган. Йўловчилардан бири самолёт қулаши оқибатида икки киши ҳалок бўлганини айтган.
«Дастлабки маълумотларга кўра, бортда икки нафар экипаж аъзоси ва ўн нафар йўловчи бўлган. Воқеа жойига қорда ҳаракатланадиган машиналар ва вертолётда қуруқликдаги гуруҳ юборилган», — дейилади Фавқулодда вазиятлар вазирлиги хабарида.
Тирик қолган фуқаролардан бири Россия фавқулодда вазиятлар хизматига қўнғироқ қилиб, ҳодиса ҳақида маълумот берган. Ҳодисага самолётнинг музлаши сабаб бўлгани айтилмоқда.
Мавзуга доир: Арманистонда бортида Россия фуқаролари бўлган самолёт қулаб тушди (фото)
Изоҳ (0)