Ўзбекистонга кириб келаётган аномал совуқ сабабли таътил кунлари 18 январга қадар узайтирилганди. Маълум бўлишича, таътил кунларида мактабгача таълим ташкилотлари тарбияланувчилари учун ҳақ тўланмайди.
Мактабгача ва мактаб таълими вазирлиги хабарига кўра, боғчаларда навбатдан ташқари таътил эълон қилингандан сўнг кўплаб ота-оналардан мазкур таътил кунларида ҳам боғча пули тўланишига доир кўплаб саволлар келиб тушган.
Мазкур сўровларга жавобан «Мактабгача таълим ташкилотлари ва мактаб-интернатлардаги болалар таъминотига ҳақ тўлаш тартиби тўғрисида»ги низом талаблари асосида мазкур таътил кунлари учун боғча тўлови тўланмаслиги маълум қилинган.
Таътил эълон қилингунга қадар боғча тўлови амалга оширилган бўлса, кейинги тўловларни амалга ошириш жараёнида таътил кунлари учун тўланган бадал суммаси ҳисобга олинади.
Ҳукуматининг тегишли йиғилиш баёнига асосан, таътил кунлари давомида мактабгача таълим ташкилотларида фаолият юритадиган ходимларга амалдаги тартиб сақланган ҳолда иш ҳақи тўланади.
Мавзуга доир:
Изоҳ (0)