Рекорд даражадаги сумма: Уэльс маликаси Кейт Миддлтон 2022 йилда гардеробига қанча пул сарфлади?

Бўлажак қиролича — шаҳзода Уильямнинг рафиқаси Кетрин жаҳон саҳнасида Британия монархиясини намоён этади, шунинг учун унинг гардероби мукаммал бўлиши керак. Либосларга тежамкорлик билан ёндашиш ва оммавий бозорга бўлган муҳаббатга қарамай, 2022 йил Уэльс маликасининг гардероби жиддий харажатларни талаб қилди, деб ёзади «Новий очаг».

Уэльс маликаси ҳар доим жуда замонавий ва дид билан кийинади, аммо 2022 йил унинг қиёфаси бутунлай ўзгарди. Гап шундаки, унинг гардероби учун сарфланган харажат кескин ошди, чунки коронавирус пандемияси тугагандан сўнг Кетрин ва шаҳзода Уильям мунтазам қироллик тадбирларига ва хорижий сафарларга чиқди.

Daily Mail нашри томонидан тақдим этилган маълумотларга кўра, Кейт Миддлтон 2022 йил давомида умумий 211 500 доллар (176 664 фунт стерлинг)га янги кийимлар сотиб олган. Бу унинг 2017 йилдаги рекордини янгилади, ўша йили унинг гардероби учун 142 500 доллар (119 минг фунт стерлинг) сарфланган.

Ўтган йилларга келсак, 2021 йилда Кейт либос ва аксессуарларга 57 000 доллар (47 595 фунт стерлинг), 2020 йилда 112 500 доллар (94 минг фунт стерлинг), 2019 йилда эса 123 300 доллар (103 минг фунт стерлинг ) сарфлаган.

Маликанинг 2022 йилдаги энг қиммат образи унинг «Топ Ган: Меверик» фильмининг премьерасида 3 200 доллар (2 700 фунт стерлинг)га баҳоланган Роланд Моурет брендига тегишли қора либосда чиқиши бўлди. Кейт ташқи кўринишини Alexander McQueen брендидан 420 доллар (1 350 фунт стерлинг)лик қора биллур клатч,  Prada’дан 420 доллар (350 фунт стерлинг)га тенг  қора замш туфли ва Робинсон Пелҳамънинг 12 600 доллар (10 560 фунт стерлинг)лик оқ олтин ва олмосли зираклар билан бойитди.

Қолаверса, Кейт Миддлтон 2022 йил жуда кўп қимматбаҳо заргарлик буюмларидан ҳам фойдаланган, аммо уларнинг аксарияти марҳум қироличадан қолганлиги сабабли у янги буюмлар рўйхатига киритилмаган.

Шунингдек, шаҳзода Уильям ва Кейт Миддлтоннинг Кариб денгизи бўйлаб саккиз кунлик гастрол сафари чоғида маликанинг энг қиммат кийимлари, жумладан, Jenny Packham’нинг 4 800 доллар (4 084 фунт стерлинг)лик зумрад рангли либоси ҳам кўзга ташланди.

Кейт ўзининг Кариб денгизи бўйлаб саёҳатини замонавий Золушка кўринишидаги ажойиб образи билан якунлади. Малика британиялик дизайнер Пҳиллипа Леплейнинг тахминан 7 200 доллар (6000 фунт стерлинг) турадиган ҳаворанг атлас кўйлагини кийди. Миддлтон сеҳрли образни классик бежирим аксессуарлар билан тўлдирди: бир жуфт Ван Cлееф & Арпелс сариқ олтин ва марварид зираклар ва 2020 йилда BAFTA тақдирлаш маросимида ҳам фойдаланган 270 доллар (225 фунт стерлинг)лик Лулу Гуиннесс брендига тегишли клатч.

Кетрин шунингдек, Swarovski кристаллари билан безатилган Гианвито Росси бренди туфлиларини ҳам кийган. «Золушка учун мукаммал туфли» номини олган оёқ кийимларнинг нархи 1 400 доллар (1225 фунт стерлинг)ни ташкил қилади.

Кейт кийган ҳашаматли брендлари орасида Alexander McQueen, Cатҳерине Walker, Эмилиа Wиcкстеад ва Алессандра Рич энг севимлиларидир. У одатда Гианвито Росси, Jimmy Choo ва Emmy Лондон каби брендларга тегишли туфлилардан кияди.

Дарҳақиқат, 2022 йилги катта харажатларга қарамай, Кетрин ўзининг аввалги севимли кийимларини ҳам кийишда давом этмоқда, шунингдек, Зара, Ҳоббс ва Манго каби брендларга ҳам мурожаат қилган.