Айни дақиқаларда Шавкат Мирзиёев таълим соҳаси мутасаддилари ҳамда ўқитувчилар билан мулоқот қилмоқда.
Давлат раҳбари мактаб ўқувчилари ва мажбурий меҳнат ҳақида гапирди.
«Бу қарорни (мактаб ўқувчиларини мажбурий меҳнатга жалб этишни тақиқлаш) қабул қилиш осон бўлгани йўқ. Болаларимиз 7-синфдан чиқарди пахтага. Тасаввур қилинг, ёш-ёш қизларимиз 20-25 кило юкни ҳар куни кўтаришга мажбур эди. Шу туфайли қанча касалликлар орттириб олинарди, баъзи ҳолатларда уни даволашга ҳам имконият бўлмасди. Ваҳоланки, уларнинг қанчадан-қанча орзулари бор эди, улар фарзанд кўриши керак эди. Энди у кунларга қайтмаймиз», — деди Шавкат Мирзиёев.Президент, ўз сўзида давом этаркан, жумладан, шундай дейди:
«Бугун дарсликлар ўзгаряпти. Ўқитувчилар ҳам ўзгариши керак. Ўзгаришларингизга мажбур қиламиз. Ўзгармасангиз хайрлашамиз. Шунинг учун ҳам бугун сизлар билан кўришиб, гаплашяпмиз. Бугун кечагидек дарс беришни қабул қилиб бўлмайди. Буни ота-оналар ҳам, ўқувчилар ҳам қабул қилмайди. Ота-оналарнинг ҳам масъулиятини оширишимиз керак.
Менинг ҳам невараларим бор. Якшанба куни ўзим улардан баҳоларини сўрайман. Ҳар бирининг дафтарини кўраман, улар ҳам ўзаро билимда рақобат қилади. Бу нарса барча оилада бўлиши керак.
Ҳар бир боламиз касб билиши керак, Улар ўз билимлари билан керак бўлса Америкадан буюртма олиб, ишлаши керак», — деди Шавкат Мирзиёев.
Изоҳ (0)