Адҳам Икромов 24 декабрь куни Савдо-саноат палатаси раёсати раиси лавозимига сайланди. Бу ҳақда ЎзА хабар берди.
Маълум бўлишича, айни пайтда Савдо-саноат палатаси раиси Даврон Ваҳобов ўз ишини давом эттирмоқда. Савдо-саноат палатаси раёсати раиси янги таъсис этилган лавозим бўлиб, унга президент тавсияси бўйича Адҳам Икромов сайланган. Икромов спортни ривожлантириш вазири сифатидаги фаолиятини давом эттирмоқда.
Адҳам Икромов 1968 йил 20 декабрда Тошкент шаҳрида туғилган. Ўзбекистон давлат арбоби, спортни ривожлантириш вазири. 1986—1990 йилларда Ленинград ҳарбий тиббиёт академиясида, 1990—1992 йилларда Тошкент тиббиёт институтида таҳсил олган.
2017 йил қисқа муддат президентнинг ташкилий-кадр масалалари бўйича давлат маслаҳатчиси биринчи ўринбосари ва президент ҳузуридаги давлат бошқаруви академияси ректори, 2017—2022 йилларда Савдо-саноат палатаси раиси вазифаларида фаолият олиб борган.
Мавзуга доир:
Изоҳ (0)