Германия ҳукумати маҳаллий энергетика компанияси Uniper’ни миллийлаштириш жараёнини якунлади. Бу ҳақда мамлакат Молия, Иқтисодиёт ва Иқлимни муҳофаза қилиш вазирликларининг қўшма баёнотига таяниб Forbes хабар бермоқда.
Германия Вазирлар Маҳкамаси компаниянинг жами 99 фоизга яқин акцияларини ҳар бир акция учун 1,7 евродан сотиб олади.
Ҳисоботда айтилишича, ҳукумат Uniper’нинг собиқ энг йирик акциядори Fortumдан 6 фоиз акцияларни 500 миллион еврога сотиб олмоқда.
Германия ҳукумати 2028 йилга келиб Uniper’нинг улушини 25 фоиздан ошмаслиги учун камайтириш мажбуриятини олган.
Бу муддат фақат Европа Комиссиясининг рухсати билан узайтирилиши мумкин. Комиссия 20 декабрда компанияни бутунлай миллийлаштиришни маъқуллаган.
Uniper Германиядаги муҳим энергетика инфратузилмасини бошқаради ҳамда электр энергияси ва табиий газ таъминотида асосий ролни ўйнайди, дейилади икки вазирлик баёнотида.
Компания Россиядан «Шимолий оқим» газ қувури орқали газ етказиб беришнинг тўхтатилиши ва 2022 йилда газ нархининг кучли ўзгариши туфайли чуқур инқирозга юз тутмоқда.
Давлат аралашуви орқали компанияни қутқариш Германияни энергия билан таъминлаш учун зарур, деб таъкидлади ҳукумат.
Ноябрь ойи охирида Uniper Стокгольмдаги халқаро арбитраж судида Россиянинг «Газпром Expoрт» компаниясига қарши иш юритишни бошлаганини эълон қилганди. Немис компанияси газ етишмовчилиги туфайли етказилган зарарни қоплашни талаб қилган.
«Газпром» Uniper’нинг зарарни қоплаш бўйича даъволарини ноқонуний деб ҳисоблашини маълум қилган.
Изоҳ (0)