Президент Шавкат Мирзиёев 13 декабрь куни Учтепа туманига қилган ташрифи чоғида кўп қаватли уйлар ва уларнинг атрофи қай даражада ободонлаштирилганини кўздан кечирган эди. Ўшанда давлат раҳбари аввалдан режалаштирилмаган ҳолда хонадонлардан бирининг соҳиби билан кўрсатилаётган коммунал хизматлар сифати ҳақида суҳбатлашганди.
«Дарё» мухбири президент билан учрашган хонадон эгаси Александр Соколовдан қисқача интервью олди. Ундан кутилмаган ташриф вақтидаги таассуротлари ва яшаш тарзи ҳақида сўради.
Александр Соколовнинг айтишича, президентнинг ташрифи олдиндан режалаштирилмаган ва у буни кутмаган.
«Шавкат Мирзиёев исталган хонадонга кириши мумкин эди. Мендан иссиқлик тизими ҳақида сўради. Президент менга «Ҳаммаси яхши бўлади», деб айтди. Шокка тушиб қолган эдик. Ҳамма учун кутилмаган ҳолат бўлди
Президентни яқиндан кўрдим, қўл бериб кўришдим», — деди хонадон эгаси.
У уйи яқинидаги мактабларининг бирида ҳовли супурувчи бўлиб ишлайди.
«Учрашувдан кейин атрофдагиларни менга муносабати ўзгарди. Учта фарзандим бор. Болаларим катта: ўқийди, ишлайди», — деди Александр Соколов.
Уй-жой коммунал хизмат кўрсатиш вазири ўринбосари Озода Жўраева «Дарё»га маълум қилишича, Александр Соколов 3 хонали уйда уч фарзанди ва аёли билан бирга яшайди.
«Унинг уйи таъмирлаб бериляпти. Вақтинча бошқа хонадонга кўчириб турибмиз. Хонадон тўлиқ таъмирдан чиққанидан кейин маиший техник жиҳозлар ҳам берилади», — деди Озода Жўраева.
Изоҳ (0)