Аргентина терма жамоаси ЖЧ—2022 финалида Францияни мағлубиятга учратиб (3:3, 4:2), жаҳон чемпионига айланди.
Ушбу ғалабадан кейин дунёнинг кўплаб машҳур шахслари Twitter орқали Аргентина ва унинг мухлисларини табриклади. Қуйида уларнинг айримлари келтирилади:
Ўйинни стадиондан кузатиб борган Франция президенти Эммануэль Макрон жамоасини қўллаб-қувватлади ва Аргентинани ғалаба билан табриклади.
«‘Кўклар’ бизни орзу қилишга мажбур қилди».
«Франция терма жамоасига бу ЖЧдаги ёрқин йўл ва курашувчанлик раҳмат айтаман. Сиз бутун миллат ва унинг бутун дунёдаги тарафдорларини ҳаяжонга сола олдингиз. Аргентинани ғалаба билан табриклайман», — Макрон.
Ўйинни оиласи билан бирга томоша қилган Аргентина президенти Альберто Фернандес ҳам бу ғалабага муносабат билдирди.
«Ўйинчилар ва бутун жамоага раҳмат. Улар таслим бўлиш керак эмаслиги, буюк халқ ва буюк келажакка эга эканимизга ёрқин мисол», — Аргентина президенти Альберто Фернандес.
Жанубий ва Шимолий Американинг қатор давлат раҳбарлари ва сиёсатчилари чемпионларни муборакбод этди.
«Франция учун оғир йўқотиш, аммо бутун дунё аёвсиз кураш билан бирга чиройли ўйин гувоҳига айланди. Тахтга чиққан Аргентина ва Мессини табриклайман. 2026 йилда мезбонларга мухлислик қилишни интиқлик билан кутаман», — АҚШ давлат котиби Энтони Блинкен.
«Аргентина ва GOAT’ни («Буюк») Жаҳон Чемпионатидаги ажойиб ғалаба билан табриклайман», — АҚШ собиқ президенти Барак Обама.
«Аргентинани ва президент Альберто Фернандесни табриклайман. Мана бу ўйин», — Панама президенти Лаурентино Кортисо.
«Сен ишонасан, сен курашаган ва сен ғалаба қозонасан. Аргентинанинг ғалабаси — бу Patria Grande’нинг (испан тилида сўзлашадиган Америка мамлакатлари — изоҳ «Дарё») ғалабаси. Жаҳон чемпионларини табриклаймиз», — Боливия президенти Луис Арсе Катакора.
«Аргентинани жаҳон чемпионлиги билан табриклаймиз. Жаҳон Чемпионатидан кейинги тантана бутун Аргентина ва Лотин Америкаси футбол мухлисларига хурсандчилик улашади», — Эквадор президенти Гилермо Лассо.
«Футбол нақадар ажойиб. Аргентиналик биродарларимизни қучиб қоламиз. Хурсандчилигимизнинг чеки йўқ», — Чили президенти Габриэль Борич.
«Қўшни Аргентинанинг ғалабасидан хурсандман. Кўп нарсага лойиқ Месси ва Ди Мария яхши ўйин кўрсатди. Ўйинчилар, мураббийилар штаби ва дўстим Альберто Фернандесни табриклайман», — Бразилия президенти Луис Инасиу Лула да Сильва.
«Бу энг ёрқин футбол ўйинларидан бир сифатида ёдда қолади. Аргентинани жаҳон чемпионлиги билан табриклайман. Улар мусобақани ажойиб ўтказди. Аргентина ва Мессининг Ҳиндистондаги миллионлаб мухлислари бу ёрқин ғалабадан мамнун», — Ҳиндистон бош вазири Нарендра Моди.
Шунингдек, қатор машҳур шахслар Аргентинага табрик йўллади.
«Саҳродаги дуэл. Бундан ортиғини кутиш ноўрин. Аргентина ва Франция ўртасидаги ақл бовар қилмас ўйин» — Tesla ва Twitter хўжайини Илон Маск.
Леброн Жеймс ўз фикрларини эможилар орқали ифодалади.
«Мен кўрган ўйинлар ичида энг зўри. Табриклайман, Аргентина!» — Apple бош директори Тим Кук.
«Мен томоша қилган ЖЧ финаллари ичида энг яхшиси, уларни 1970 йилдан бери кузатиб бораман. Аргентиналик дўстларимга табрик, муносиб ғалаба!» — гроссмейстер Гарри Каспаров.
Изоҳ (0)