Афғонистоннинг Парвон вилояти Саланг туннелида юз берган ёнғин оқибатида 19 киши ҳалок бўлди. Бу ҳақда Hasht-e Subh Daily хабар берди.
Маълум қилинишича, ҳодиса 17 декабрь куни юз берган ва ҳозиргача тўлиқ бартараф этилмаган. Кечадан бери минглаб йўловчилар Саланг туннелининг икки томонида қолиб кетган. Ҳодисага Бағлондан Кобулга кетаётган нефть танкери Саланг туннелидан 50 метр узоқликда ерга ағдарилиб, ёниши сабаб бўлган.
Ҳодисада 32 киши жароҳатланган, аммо статистик маълумотлар ўзгармоқда ва ҳалок бўлганлар сони ортиши мумкин.
4 декабрь куни Афғонистон ва Эрон ўртасидаги умумий чегарада ёнғин чиққанди. Оқибатда 20 дан ортиқ трактор ва бир нечта автомобили ёниб кетган. Транспорт эгалари эса катта молиявий зарар кўрган. Ҳодиса оқибатида жабрланганлар ҳам бор, ёнғинга тракторнинг ёниши сабаб бўлганди.
21 ноябрь куни Афғонистонда йўловчи автобуси дарёга қулаши оқибатида 9 киши ҳалок бўлгани ҳақида хабар берилганди. Уларнинг аксарияти болалар бўлган. Жароҳатланганлар эса 40 кишини, бир бола, икки аёл ҳамда 38 нафар эркак, ташкил қилган.
Изоҳ (0)