«Реал» бош мураббийи Карло Анчелотти Бразилия терма жамоасини бошқариши мумкин.
Gazeta Esportiva хабарига кўра, Бразилия футбол конфедерацияси (CBF) 63 ёшли мутахассисни бош мураббий сифатида иш бошлаши учун июнь ойига қадар кутишга тайёр.
Италиялик мураббий ҳозирча расмий таклиф олгани йўқ, бироқ CBF тез орада Анчелотти учун аниқ таклиф ишлаб чиқиш бўйича музокараларни фаоллаштиради. CBF Анчелотти учун июнь ойига қадар кутишга рози. Фақатгина Карло бу ишга қизиқиш билдирсагина расмий таклиф юборилади.
Агарда Анчелотти 2023 йил июнь ойидан Бразилия терма жамоасини бошқаришга рози бўлса, унга қадар Бразилия тизимидан кимдир жамоани вақтинчалик бошқариб туради. Ҳозирда Бразилия U-20 жамоасини бошқараётган Рамон Менезес вақтинчалик мураббий бўлиши мумкин.
Италиялик мураббий ушбу таклифни рад этса, бразилиялик мутахассис терма жамоани бошқаради. Энг асосий номзод «Флуминенсе» устози Фернандо Диниза бўлиб турибди. Унинг хизматларини футболчилар ва CBF юқори баҳолайди.
Изоҳ (0)