Ўзбекистонда эски уйларнинг нархи ноябрь ойида ҳам ўсгани маълум бўлди

Октябрь ойида Ўзбекистондаги эски уйлар нархи қандай ўзгаргани таҳлил қилинди. Бу ҳақда «Дарё»га Иқтисодий тадқиқотлар ва ислоҳотлар маркази хабар бермоқда.

Ноябрь ойида иккиламчи бозорда (эски уйлар) уй-жойларнинг ўртача нархи 3,9 фоизга ошди (июль ойида — 2,5 фоиз, август ойида — 0,5 фоиз, сентябр ойида — 1,1 фоиз, октябрь ойида — 2,3 фоиз).

Йил бошидан буён иккиламчи бозорда уй-жойларнинг тез ўсиши кузатилмоқда. Хусусан, мамлакатда 1 квадрат метр учун уй-жой нархи 15,8 фоизга ошди.

Иккиламчи уй-жой нархларининг энг сезиларли ўсиши Тошкент — 22,9 фоиз, Навоий — 22 фоиз вилоятлари ва Тошкент шаҳрида — 22,7 фоиз кузатилди.

Пойтахтда иккиламчи уй-жой бозоридаги нарх бир ой ичида 2,4 фоизга қимматлашди (июль ойида — 2,4 фоиз, август ойида — 1,4 фоиз, сентябр ойида — 1,7 фоиз, октябрь ойида — 4,6 фоиз).

Нархларнинг энг юқори ўсиши пойтахтнинг Бектемир — 12 фоиз, Миробод — 5 фоиз ва Юнусобод — 4 фоиз туманларида қайд этилди.

Тошкент шаҳрида ва ҳудудлар маъмурий марказларида иккиламчи уй-жой нархларининг ўзгариши (1 квадрат метр учун долларда):

Аввалроқ Ўзбекистоннинг қайси ҳудудларида кўпроқ ипотека кредитлари берилаётгани ҳақида хабар берилганди.