Ўзбекистоннинг қайси ҳудудларида кўпроқ ипотека кредитлари берилмоқда?

Марказий банк 2022 йилнинг 11 ойида аҳолига ажратилган ипотека кредитлари бўйича маълумот берди.

Унга кўра, йил бошидан бери энг кўп ипотека кредитлари берилган ҳудудлар орасида Тошкент шаҳри етакчилик қилмоқда — 3,89 трлн сўм Тошкентда 12 918 нафар фуқарога ипотека кредити ажратилган. 

Иккинчи ўринни Самарқанд вилояти (1,056 трлн сўм) эгаллаган бўлса, Фарғона вилояти (1,036 трлн сўм) учинчи бўлди.

Ипотека кредитларининг энг кам миқдори Сирдарё вилоятига тегишли — 288,5 млрд сўм.

Бундан ташқари Қорақалпоғистон(400 млрд сўм), Жиззах (455 млрд сўм) ва Хоразмда (523 млрд сўм) ҳам нисбатан кам миқдорда кредит ажратилган.

Йил бошидан бери ипотека кредитларининг молиялаштириш манбалари:

• Молия вазирлиги — 9,2 трлн сўм;
• Банк ўз маблағлари — 3,4 трлн сўм;
• Ипотекани қайта молиялаштириш манбалари — 152,2 млрд сўм.