АҚШ Қозоғистон банкларига Россиянинг МИР тизимининг тўлов карталари билан операцияларни амалга оширишга рухсат берди. Бу ҳақда Қозоғистон Молия бозорини тартибга солиш ва ривожлантириш агентлига таяниб Forbes хабар бермоқда.
2022 йил 8 декабрда Қозоғистон тартибга солувчилари АҚШ Молия вазирлигининг (OFAC) бўлими бўлган Хорижий активларни назорат қилиш идорасидан хат олди. Унда АҚШ агентлиги ушбу ҳужжатлардан фойдаланишга қарши эмаслигини тушунтирди. МИР тизимининг банк карталари жисмоний шахслар, яъни Россиядан Қозоғистонга ўз тирикчилигини таъминловчи операцияларни амалга ошириш учун кўчиб келган фуқаролар томонидан, — дейилади матбуот хизмати хабарида.Шундай қилиб, Қозоғистон банклари МИР карталари ёрдамида тўловларни, пул ўтказмаларини қабул қилиш, шунингдек, жисмоний шахслар учун банкоматлар орқали нақд пул бериш ҳуқуқига эга.
Шу билан бирга, МИР тизимига уланиш тўғрисидаги қарор Қозоғистон банклари томонидан ўзларининг ривожланиш стратегиялари ва рискларни ички баҳолаш тизимлари асосида мустақил равишда қабул қилинади.
Бироқ OFAC мактубида таъкидланганишича, ушбу тўлов тизими билан операциялар Россияга қарши санкцияларни четлаб ўтишда фойдаланишнинг олдини олиш учун махсус назорат остида қолади.
Қайд этилишича, Қозоғистон банклари вакиллари билан МИР тизимининг тўлов карталаридан фойдаланиш имкониятларини тушунтириш учун йиғилиш ўтказган.
Аввалроқ Қозоғистон банклари Россиянинг МИР карталарига хизмат кўрсатишдан бош тортган эди.
Изоҳ (0)