Манчестер жамоалари етакчи, «ПСЖ» 3-ўринда. ЖЧ—2022 чорак финалига қайси клуб вакиллари кўпроқ етиб келди?

Футбол бўйича 2022 йилги Жаҳон Чемпионати давом этмоқда. Айни вақтда чорак финалнинг барча 8 иштирокчиси маълум бўлган.

Ушбу босқичга қадар «Манчестер Сити» ва «Манчестер Юнайтед»нинг 11 нафардан футболчиси етиб келди. Бу клуб миқёсидаги энг юқори натижа. Кейинги ўриндан «ПСЖ» жой олган, Париж клубининг 8 нафар вакили чорак финалда ўйнайди.

Кучли бешликдан «Бавария» ва «Аякс» (7 нафардан) ҳам жой олган. Яна саккизта клубнинг олти нафардан вакили мазкур босқичга етиб келган.

• «Манчестер Сити» (11)
• «Манчестер Юнайтед» (11)
• «ПСЖ» (8)
• «Бавария» (7)
• «Аякс» (7)
• «Ювентус» (6)
• «Реал» (6)
• «Тоттенҳэм» (6)
• «Ливерпуль» (6)
• «Арсенал» (6)
• «Челси» (6)
• «Атлетико» (6)
• «Севилья» (6)

Чорак финал ўйинлари 9 ва 10 декабрь кунлари бўлиб ўтади.