АҚШ—Хитой муносабатлари ёмонлашгани ва Пекиннинг COVID’га қарши чоралари туфайли Apple етказиб бериш занжири узилишининг олдини олмоқчи. Шу саббали iPad ишлаб чиқаришни Хитойдан Ҳиндистонга қисман ўтказиш имкониятларини ўрганмоқда. Бу ҳақда CNBC хабар берди.
Қайд этилишича, ишлаб чиқариш жараёнини кўчириш бўйича аниқ режалар ҳақида ҳозирча маълумот йўқ, бироқ Apple бу борада Ҳиндистон расмийлари билан маслаҳатлашишда давом этмоқда.
Шу билан бирга, манбалар Ҳиндистонда техник жиҳатдан мураккаб қурилмаларни яратишда етарли тажрибага эга юқори малакали мутахассислар ва ишчиларнинг етишмаслигига ишора қилмоқда.
Бу эса АҚШ технология гигантининг мамлакатдаги фаолиятини секинлаштириши мумкин.
Аввалроқ Илон Маск Twitter’да Apple рекламалари тикланганини эълон қилгани ҳақида хабар берилганди.
Изоҳ (0)