Лондондаги «Тоттенҳэм Ҳоцпур» стадионида Ўзбекистон вақти билан 3 декабрдан 4 декабрга ўтар кечаси профессионал бокс оқшоми бўлиб ўтди.
Бокс кечасининг марказий жанги супер оғир вазн тоифасида WBC чемпиони Тайсон Фьюри (33-0-1, 24 КО) ва Дерек Чисора (33-13, 23 КО) ўртасида кечди.
Жангнинг дастлабки раунди тенг кураш остида кечди. Кейинги раундларда Фьюри рақибидан сезиларли даражада устунлик қилди. Жангнинг 10-раундида Дерекнинг пассив ҳаракатларидан кейин ҳакам жангни тўхтатди.
Шу тариқа Фьюри фаолиятидаги 33-ғалабасини қўлга киритди ва камарини муваффақиятли ҳимоя қилди.
Фьюри ва Чисора бунга қадар 2 марта тўқнаш келган. 2011 йилда очколар эвазига Тайсон ғолиб бўлган, 2014 йилдаги жангда эса Чисора 10-раунддан кейин жангни давом эттиришдан бош тортган ва Тайсон ғалабага эришган.
Изоҳ (0)