Ўзбекистон бозорига Польша сармоялари ва энг янги технологиялар жалб этилиши кутилмоқда

Ўзбекистон бозорига Польша сармоялари ва энг янги технологияларни жалб этиш масалалари муҳокама қилинди. Бу ҳақда ТИВ матбуот хизмати хабар берди.

Маълум қилинишича, 2 декабрь куни Владимир Норов Польша Тараққиёт ва технологиялар вазирлиги давлат котиби, ҳукуматнинг хорижий инвестициялар бўйича ваколатли вакили, Иқтисодий ҳамкорлик бўйича комиссия ҳукуматлараро комиссия ҳамраиси Гжегож Пеховяк билан музокаралар ўтказди.

Унда савдо-иқтисодий соҳадаги шерикликни янада кенгайтириш масалалари муҳокама қилинган. Қайд этилишича, 2022 йилнинг январь сентябрь ойларида товар айирбошлаш ҳажми 42 фоизга, сўнгги уч йилда эса Ўзбекистонда Польша капитали иштирокида ташкил этилган қўшма корхоналар сони икки баробарга ошгани қайд этилган.

Томонлар иқтисодий дипломатияни фаоллаштириш, хусусан, Ўзбекистон-Польша ҳукуматлараро комиссияси  доирасидаги қўшма ишларни давом эттиришга ўзаро тайёр эканликларини тасдиқлаган. Шу нуқтаи назардан, келгуси йилда комиссия йиғилиши ва бизнес-форум ўтказиш зарурлиги таъкидланган.

Тўқимачилик ва рақамлаштириш соҳасида ўзаро манфаатли лойиҳаларни амалга ошириш юзасидан фикр алмашилган.

Мавзуга доир:

• Термизда Афғонистон иқтисодиётига мутахассислар тайёрлаш учун таълим кластери ташкил этилади
• Ўзбекистон ва Нидерландия IT, сунъий интеллект соҳаларида ҳамкорлик қилади