Амалий сафар билан Жанубий Кореяга борган Ўзбекистон бандлик ва меҳнат муносабатлари вазири Нозим Ҳусанов Корея Республикаси бандлик ва меҳнат вазири Ли Жунг Шик билан учрашди, деб хабар бермоқда Бандлик ва меҳнат муносабатлари вазирлиги.
Қайд этилишича, мулоқот чоғида E-9 (ишчи) визаси асосида ушбу давлатга кириб бораётган ўзбекистонлик меҳнат мигрантлари учун квота сонини ошириш юзасидан фикр алмашилган. Ўзбекистон фуқароларини қурилиш ва қишлоқ хўжалиги ишларига жалб қилиш масалалари муҳокама қилинган.
Шунингдек, учрашувда Корея Республикасидаги компанияларга Ўзбекистон фуқароларини ишга жалб қилиш юзасидан англашув меморандуми ҳам имзоланган.
Изоҳ (0)