Ижтимоий тармоқларда Тошкент шаҳри Юнусобод туманининг «Боғишамол» кўчасида жойлашган бир қатор бекатларнинг аҳволи аянчли экани, йўловчилар автобус кутишлари учун етарли шароит йўқлиги тўғрисида хабар тарқалди. Туман ҳокимлиги ҳолатга муносабат билдирди.
Қайд этилишича, масала мутасаддилар томонидан ўрганилди. Ўрганишлар мобайнида ҳақиқатан ҳам ушбу манзилдаги автошоҳ бекатлари тадбиркор томонидан ўзбошимчалик билан эгаллаб олингани, аҳолининг транспорт воситаларини кутиш учун ўриндиқлари йўқлиги аниқланган.
Мутасаддилар тадбиркор билан мазкур ҳолат юзасидан белгиланган тартибда тушунтириш ишлари олиб бориб, аҳоли учун тегишли норматив ҳужжатларда белгилаб қўйилган барча шароитларни яратиш юзасидан кўрсатмалар берилган.
«Шу билан бир қаторда Кадастрлар агентлиги Юнусобод тумани бўлими томонидан автобекатлардаги ўзбошимчалик билан ноқонуний эгаллаган майдонлар, белгиланган қонун талаблари асосида тегишли чора-тадбирлари амалга оширилаётганлигини маълум қиламиз», — дейилади хабарда.
Изоҳ (0)