Сурхондарёда катта тезликда ҳаракатланган «Жигули» қўйлар подасини уриб юборгани ҳақида хабарлар тарқалди. Сурхондарё ЙҲХБ матбуот хизмати ҳолат юзасидан маълумот берди.
30 ноябрь куни 05:30 лар чамаси 102 қисқа рақами орқали келиб тушган хабарга кўра, воқеа Сариосиё тумани М41 автомобиль йўлининг 1460 километри, «Шаҳриобод» маҳалласи ҳудудида юз берган.
Ҳайдовчи Р.К. «ВАЗ-2106» — «Жигули»ни Денов—Чегара йўналиши бўйлаб ҳайдаб кетаётганида шу йўналишда ҳаракатланиб кетаётган «Назарсой» фермер хўжалигига тегишли 763 бош қўйнинг 30 тасини уриб юборган.
Ҳозирда ҳолат юзасидан Сариосиё тумани ИИБ ЙҲХГ масъул ходимлари томонидан суриштирув ишлари олиб борилмоқда.
Изоҳ (0)