Тошкентнинг Олмазор туманида хизмат вазифасини бажараётган ИИБ ходими ўлдириб кетилганди. ИИВ матбуот котиби унинг ҳаётига тажовуз қилган фуқаро қўлга олинганини маълум қилди.
Пойтахт ИИББ матбуот хизмати ахборотига кўра, 30 ноябрь куни соат 00:50 ларда Олмазор тумани ИИО Фаолиятини мувофиқлаштириш бўлими профилактика инспектори катта лейтенант Н.Бобомуротов туманнинг «Ғалаба» маҳалласига тезкор чақирув бўйича етиб бориб, хизмат вазифасини бажараётган вақтида, муқаддам судланган, 1992 йилда туғилган фуқаро Б.З. ходимнинг ҳаётига тажовуз қилиб, воқеа жойидан яширинган.
ИИВ хабарида айтилишича, олиб борилган тезкор-қидирув тадбирлари натижасида ИИБ профилактика инспектори ҳаётига тажовуз қилган фуқаро қўлга олиниб, процессуал тартибда чора кўриш учун прокуратура органларига топширилди.
Ҳолат юзасидан Тошкент шаҳар прокуратураси томонидан Жиноят кодексининг 97-моддаси (қасддан одам ўлдириш) билан жиноят иши қўзғатилган.
Изоҳ (0)