Россиянинг Перм ўлкаси суди йиғилишида прокурор Перм университетида оммавий қотиллик содир этишда айбланаётган Тимур Бекмансуровга умрбод қамоқ жазосини беришни сўради. Бу ҳақда «Properm.ru» хабар бермоқда.
Прокурор суддан Бекмансуров умрбод қамоқ жазосининг дастлабки беш йилини қамоқхонада ўтказишини, кейин эса махсус режимли колонияга жойлаштирилишини сўраган.
2021 йилнинг 20 сентябрь куни Тимур Бекмансуров ўзи таҳсил олаётган Перм давлат миллий тадқиқот университети ҳудудида отишма содир этганди. Ҳодиса оқибатида олти киши ҳалок бўлган, 40 дан ортиқ одам жароҳатланган. Ҳибсга олиш вақтида Бекмансуров яраланган, кейинроқ жароҳати оқибатида унинг оёғи кесиб ташланган.
Изоҳ (0)