ЖЧ—2022. Испания терма жамоаси турнинг марказий ўйинида Германияни енга олмади
Футбол бўйича ЖЧ—2022 2-турида Испания ва Германия терма жамоалари 27 ноябрь, якшанба куни ўзаро тўқнаш келди.
Учрашувнинг биринчи бўлимида тенг кураш кечди, бироқ дарвозалар дахлсиз қолди. 62-дақиқада Альваро Мората қанотдан узатилган тўпни рақиб дарвозасига жойлаб қўйди.
Шундан кейин немислар ҳужумга зўр берди. Қатор уринишлар 83-дақиқада ўз самарасини берди: Никлас Фюллькруг мувозанатни тиклади. Қолган вақтда ҳисоб ўзгармади.
Ушбу натижадан кейин Испания 4 очко билан гуруҳ пешқадами бўлиб турибди. Япония ва Коста-Рика ҳисобида 3 очкодан бор. Германия эса 1 очко билан ҳозирча сўнгги ўринда бормоқда.
Сўнгги турда Германия терма жамоаси Коста-Рика билан ўйнаса, Испания Японияга қарши тўп суради.
ЖЧ—2022
2-тур баҳси
27 ноябрь, якшанба
Испания — Германия 1:1
Голлар: 1:0 – 62 Мората, 1:1 – 83 Фюллькруг.Испания: Унаи Симон, Карвахаль, Ляпорт, Родри, Альба (Бальде, 82), Бускетс, Педри, Гави (Уильямс, 66), Олмо, Асенсио (Коке, 66), Ферран Торрес (Мората, 54).
Германия: Нойер, Керер (Клостерманн, 70), Рюдигер, Зюле, Раум (Шлоттербек, 87), Гундўған (Сане, 70), Горетцка, Киммих, Мюллер (Фюллькруг, 70), Гнабри (Ҳофманн, 85), Мусиала.
Огоҳлантиришлар: Керер (37), Бускетс (44), Горетцка (58), Киммих (60).
