Бразилия терма жамоаси ҳужумчиси Неймар ЖЧ—2022 1-тури доирасида Сербияга қарши кечган баҳсда (2:0) жароҳат олганди.
Футболчининг ўнг оёғидаги болдир суяги билан товон суягини бириктирувчи бўғинда муаммо келиб чиққан ва шиш кузатилганди.
Бразилия терма жамоаси шифокорлари футболчининг тикланиш жараёнига оптимистик қарамоқда. Неймар оғриқларсиз ҳаракатланмоқда, тўпиғидаги шиш ҳам қайтган. Бироқ тиббий штаб футболчига кўпроқ дам бериш истагида. Унинг майдонга қайтиши жамоанинг натижаларига боғлиқ бўлади.
Футболчи Швейцарияга қарши баҳсни ўтказиб юборади. Шунингдек, 2-тур баҳсида Данило ҳам қатнаша олмайди. Агар Бразилия бу ўйинда ғалаба қозониб, плей-оффга йўл оладиган бўлса, у ҳолда жароҳат олган икки футболчи Камерунга қарши ўйинни ҳам ўтказиб юборади. Уларни 1/8 финалга қадар асраш устувор вазифа бўлиб турибди.
Агар «пентакампионлар» Швейцарияга қарши ўйинда муваффақиятли натижа қайд эта олмаса, у ҳолда Неймар Камерунга қарши баҳсда майдонга тушади.
Изоҳ (0)