«Дарё» интернет-нашри Тошкент шаҳри ҳокимлиги қошидаги Жамоатчилик кенгаши билан биргаликда «Маҳалла. Муаммо. Мулоҳаза» лойиҳасини тақдим этиб келмоқда. Лойиҳанинг 8-сони мавзуси «Маҳаллада ким нимага жавоб беради?» бўлиб, дастур меҳмони сифатида блогер, ҳуқуқшунос Зафарбек Солижонов таклиф этилди.
Дастур меҳмони суҳбат давомида ҳокимлардан кенгаш раиси лавозимини олишни, оқсоқол тайинлаш вазифаси Сенатга юклатилиши кераклигини айтди.
Қонунларга қарайдиган бўлсак, маҳалла институти, умуман, сайлов тизими Сенат кенгаши орқали жорий қилинади. Демак, бу ерда муаммо қонунчиликнинг ўзида. Умид қиляпмиз ҳозир, ҳокимлардан кенгаш раиси мақомини олинсин. Энди маҳалла оқсоқоли бўлишга номзодларни кенгаш ўзи ҳал қиладиган регулятор ишлаб чиқилиши керак.Энг аввало, бош қомус. Яъни энг тепада турган қонунни ўзгартиришса, ҳокимлардан кенгаш раиси лавозимини олишса, ҳокимларнинг кенгаш олдидаги ҳисобдорлигини оширишса, бу ўз-ўзидан ҳокимлар ричагининг кучсизланиши ва охир-оқибат йўқ бўлиб кетишига олиб келади, — дейди Зафарбек Солижонов.
Кўрсатувни тўлиқ тарзда «Дарё»нинг YouTube’даги саҳифаси орқали томоша қилиш мумкин.
Изоҳ (0)