Самарқанд вилояти Тойлоқ туманида 22 ноябрь куни содир бўлган ЙТҲ оқибатида ҳайдовчи вафот этди. Бу ҳақда вилоят ички ишлар бошқармаси хабар берди.
Маълум қилинишича, Тойлоқ тумани «Боғизоғон» маҳалласи ҳудудида ўтувчи Самарқанд–Садриддин Айний йўналишида Ургут тумани «Тинчлик» маҳалласида яшовчи 31 ёшли фуқаро М.Ш. Spark автомашинасида ҳаракатланиб кетаётган бўлган. Унинг автомобили қарама-қарши йўлга чиқиб кетиши оқибатида шу йўналишда келаётган, Тойлоқ тумани «Таллиота» маҳалласида яшовчи 23 ёшли фуқаро Р.Х. бошқарувидаги Damas билан тўқнашган.
ЙТҲ сабаб иккала ҳайдовчи тан жароҳати билан туман марказий шифохонасида ётқизилган. Кўрсатилган муолажаларга қарамай, Spark ҳайдовчиси шифохонада вафот этган.
Мазкур ҳолат юзасидан Тойлоқ тумани ИИБ ҳузуридаги тергов бўлинмаси томонидан Жиноят кодексининг 266-моддаси (транспорт воситалари ҳаракати ёки улардан фойдаланиш хавфсизлиги қоидаларини бузиш) 2-қисми билан жиноят иши қўзғатилиб, дастлабки тергов ҳаракатлари олиб борилмоқда.
Мавзуга доир: Тошкентда Nexia-3 уриб юборган пиёда вафот этди
Изоҳ (0)