Давлат активларини бошқариш агентлиги 10 ноябрь куни Hyatt Regency Tashkent меҳмонхонасининг 100 фоиз давлат улушини «Abu Dhabi Uzbek Investment» МЧЖ компаниясига 87 миллион АҚШ долларига сотиш бўйича келишувга эришилганини хабар қилганди. Ижтимоий тармоқлар фаоллари меҳмонхонанинг сотилган нархи унинг қурилиш харажатларидан (205 миллион доллар дейилган) анча арзонлиги тўғрисида хабар тарқатган ва бу муҳокамаларга сабаб бўлганди. Агентлик директори Акмалхон Ортиқов «Дарё» мухбирига берган интервьюсида меҳмонхона қурилиши ва сотилиши билан боғлиқ жараёнларга изоҳ берди.
Акмалхон Ортиқовнинг айтишича, бу ерда асосий нуқта меҳмонхонанинг қурилиш давридаги валюта курси билан бугунги курс тафовутига боғлиқ.
Маълумки, меҳмонхона қурилиши 2012 йилда бошланган бўлиб, 2016 йил охирида якунланган. Меҳмонхона «Пойтахт қурилиш ва хизматлари» МЧЖ балансига тасдиқланган техник-иқтисодий асослантириш(ТЕО)да кўрсатилган қийматга асосан (1 доллар – 2 минг 750 сўм, валюта курси бозор баҳосини ифодаламайди) қабул қилинган ва унинг умумий қиймати 566 миллиард сўмни ташкил этган. Харажатларнинг асосий қисми миллий валюта сўмда амалга оширилган.Суҳбат давомида Акмалхон Ортиқов «Abu Dhabi Uzbek Investment» МЧЖ тўғрисида ҳам маълумот берди.Халқаро баҳолаш стандартларига мувофиқ, меҳмонхона бизнес сифатида баҳоланади ва Меҳмонхонани баҳолаш халқаро умумеътироф этилган баҳолаш ёндашувлари асосида амалга оширилган.
Инвесторнинг нарх таклифи меҳмонхонанинг баҳолаш қийматидан анча юқори, консултантнинг меҳмонхона индикатив нарх диапазониинг юқори қисмига киради.
Бунда, амортизация таъсири даражасини ҳам инобатга олиш керак: ҳисоб сиёсатига асосан бино ва иншоотларга ўртача 20 фоизни, мебель жиҳозларга эса ўртача 70 фоизни ташкил этади.
Меҳмонхонанинг даромади ҳар бир хона нархи ва хоналар бандлиги каби омилларга боғлиқ. Меҳмонхонанинг бандлигига мамлакатга сайёҳлар оқимини тўхтатган пандемия даври ҳам таъсир кўрсатди. Амалда меҳмонхона бизнеси ва туризм 2021 йил охиридагина тиклана бошлади.
Меҳмонхона фаолият бошлаганидан ҳозирги кунга қадар ўз сегментидаги энг яхши меҳмонхоналардан бири бўлиб, барча мажбуриятларини бажариб келмоқда, хусусан 2020 йилга қадар соф фойдасининг 30 фоизини, 2021 йилда эса 50 фоизини бюджетга ўтказган.
Ҳозирги геосиёсий вазиятга кўра, сайёҳлар оқимининг ижобий прогнози, шунингдек, халқаро меҳмонхона брендларининг кириб келиши туфайли минтақадаги рақобатни ривожланиши, меҳмонхонанинг келгусида кутилаётган пул оқимларини ҳисоблашда ўз аксини топган.
2017 йилдаги валюта сиёсатининг либераллаштирилиши (чет эл валютасини эркин сотиш ва сотиб олиш) бўйича амалга оширилган ислоҳотлар натижасида миллий валютанинг курси ўзининг адолатли қийматига мослашган, хусусан, 2013 йилдаги АҚШ доллари/сўм курси ўртача 1 АҚШ доллари учун 2 минг 97 сўмни ташкил этган бўлса, ушбу кўрсаткич 2022 йилнинг 10 ойида ўртача 1 АҚШ доллари учун 11 минг 10 сўм бўлган.
Меҳмонхонанинг тўлов қиймати жорий курс билан ҳисобланганда 974 миллиард сўмдан ошади, бу қурилиш харажатининг миллий валютадаги қиймати (566 миллиард сўм, ушбу харажатлар 2013 йилги валюта айирбошлаш курси бўйича сўмда тан олинган)га нисбатан 1,7 баробарга юқори демакдир.
Шу билан бирга, Инвестор томонидан тўлов суммасига қўшимча равишда 12 миллион АҚШ доллари ҳажмида меҳмонхонани ривожлантириш учун инвестиция киритиш таклифини ҳам берган.
Акмалхон Ортиқов, Давлат акативларини бошқариш агентлиги директори.
«Abu Dhabi Uzbek Investment» МЧЖ ҚК инвестиция фонди бўлиб, унинг асосий акциядори (75 фоиз) 1971 йилда ташкил этилган Абу-Даби тараққиёт жамғармаси ҳисобланади. Сўнгги 50 йилда жамғарма дунёнинг 97 та давлатидаги лойиҳаларга сармоя киритган. Инвестициялар ҳажми қарийб 41 миллиард АҚШ долларини ташкил этади. «Abu Dhabi Uzbek Investment» МЧЖ ҚК 2022 йил сентябрда Самарқанд инфратузилмасини модернизация қилиш учун 300 миллион АҚШ доллари ажратган, шунингдек, 757 та кичик ва ўрта бизнес субъектларини қарийб 50 миллион АҚШ доллари миқдорида молиялаштирган. Компаниянинг бошқарув раиси Абу Даби амирлигининг ҳукмрон қироллик оиласи аъзоси, Бирлашган Араб Амирликлари Президенти девонининг раҳбари, шунингдек, «Манчестер Сити» футбол клуби эгаси Мансур ибн Зоид Ал Наҳаён ҳисобланади. Давлат улушини сотиб олиш фақатгина хорижий инвесторнинг ўз капитали ҳисобидан амалга оширилади. Тўлов олди-сотди шартномаси имзолангандан сўнг бир йўла амалга оширилади», – деди агентлик раҳбари.
Изоҳ (0)