Фарғона вилояти Ўзбекистон туманида истеъмолга яроқсиз ёғ маҳсулотларининг сотувга қўйилишининг олди олинди, деб хабар бермоқда Иқтисодий жиноятларга қарши курашиш департаменти.
Қайд этилишича, Бош прокуратура ҳузуридаги департаментнинг Ўзбекистон туман бўлими томонидан Давлат хавфсизлик хизмати, Давлат солиқ инспекцияси ва Ички ишлар бошқармаси ходимлари билан ҳамкорликда тадбиркорлик субъектларининг ҳуқуқлари ҳимоя қилиш юзасидан тезкор тадбир ўтказилган. Унда фуқаро Х.Х. яшаш хонадонида яширин цех ташкил қилиб, «Т.э.» МЧЖнинг маҳсулот ёрлиғидан фойдаланган ҳолда қалбаки ёғ маҳсулотларини қадоқлаш фаолияти билан шуғулланиб келаётгани аниқланган.
Цехдан жами 2 000 дона елим идишлардаги 1,8 тонна истеъмолга яроқсиз ёғ маҳсулотлари ашёвий далил сифатида олинган.
Ҳолат юзасидан Жиноят кодексининг 186-моддаси (хавфсизлик талабларига жавоб бермайдиган товарларни ўтказиш мақсадини кўзлаб ишлаб чиқариш, сақлаш, ташиш ёхуд ўтказиш, ишлар бажариш ёки хизматлар кўрсатиш) билан жиноят иши қўзғатилган. Ҳозирда тергов ҳаракатлари ўтказилмоқда.
Изоҳ (0)