Европа Иттифоқи томонидан молиялаштирилувчи ва атроф-муҳитни ўрганувчи Коперник таҳлилий маркази келаётган қишда Европада ҳарорат нормадан сезиларли даражада юқори бўлишини прогноз қилди. Бу ҳақда Bloomberg хабар бермоқда.
Мавсумий прогнозга кўра, бу қишда Европанинг барча ҳудудларида анормал исиш кутилмоқда.
Охирги ойда ҳавонинг илиқ бўлишига ишонч ортди. Ғайритабиий юқори ҳарорат табиий газга бўлган талабни камайтириши мумкин, — дейилади тадқиқотда.
Қайд этилишича, қулай об-ҳаво шароити туфайли Европада 2022 йил охиригача, ҳатто 2023 йилнинг «совуқ» бошланиши эҳтимолдан йироқ бўлмаган тақдирда ҳам, ички талабни қондириш учун энергия ресурслари етарли бўлади.
Буюк Британия, марказий ва жанубий Европанинг катта қисмида ҳарорат тарихий меъёрлардан сезиларли даражада юқори бўлиши кутилмоқда — 60 фоизгача. Иссиқроқ ҳарорат кам табиий газ захиралари тугашининг олдини олишга ёрдам беради.
Gas Infrastructure Europe маълумотларига кўра, 13 ноябрь ҳолатига кўра, Европа омборлари деярли 95,5 фоизга тўлган.
Франция ва Германиянинг кўп қисмида кейинги уч ой ичида ёғингарчилик ўртача даражадан анча паст бўлиши эҳтимоли 40 фоиз дан 50 фоизгача.
Европада ёмғир ва қорнинг етишмаслиги ички дарё транспорти ва гидроэнергетика операторларига, шунингдек, чанғи мавсумига таъсир қилиши мумкин.
Изоҳ (0)