Украинадаги кураш, ривожланган мамлакатлардаги юқори фоиз ставкалари ва COVID-19 пандемиясининг таъсири 2023 йилда глобал ялпи ички маҳсулот ўсишининг секинлашишига олиб келиши кутилмоқда. Бу ҳақда Халқаро Валюта Жамғармаси (ХВЖ) прогнозларидан маълум бўлди.
ХВЖ октябрь ойида жаҳон ялпи ички маҳсулоти ўсишини 2,9 фоиздан 2,7 фоизга туширган эди. Жамғарма материалидан келиб чиққан ҳолда, келажакда кўрсаткич яна камайиши мумкин.
Катта йигирмалик (G20) мамлакатларида иқтисодий ўсиш кўрсаткичлари унинг қисқаришини кўрсатадиган даражага тушди. Бу илғор ва ривожланаётган бозор иқтисодиёти учун ҳам амал қилади, секинлашувнинг глобал хусусиятини таъкидлайди, — дейилади ХВЖ ҳисоботида.
Жамғарма мутахассисларининг таъкидлашича, мамлакатлар ҳали ҳам инфляция ўсишини ушлаб туришга ҳаракат қилишлари, солиқ ва бюджет сиёсатини кучайтиришлари керак.
4 ноябрь куни ХВЖ бошқарувчи директори Кристалина Георгиева глобал савдонинг парчаланиши туфайли глобал ялпи ички маҳсулот ҳар йили 1,5 фоизга қисқаришини айтган эди.
Мавзуга доир:
Изоҳ (0)