Россия президенти Владимир Путин чет элликларнинг Россия Қуролли кучларида хизмат қилиши тўғрисидаги фармонни имзолади. Россия ҳуқуқий ахборот порталида тегишли ҳужжат эълон қилинди.
Фармонга кўра, чет эл фуқаролигига эга бўлган шахсларга муддатли ҳарбий хизматни ўташга шартнома асосида ҳам рухсат этилади. Ҳужжатда судланган, ҳукм қилинган ёки тергов остидаги чет эл фуқароси билан шартнома тузиш мумкин эмаслиги белгиланган. Иккинчи фуқароликка эга бўлган россияликлар ҳам ҳарбий хизматга чақирилади.
«Ҳарбий хизматни ўташ Россия фуқаролари бўлган, шу жумладан, хорижий давлат фуқаролиги ёки яшаш учун рухсатномаси бўлган аскарлар, матрослар, сержантлар, бригадирлар томонидан амалга оширилади. Фуқаронинг хорижий давлат ҳудудида бўлишини тасдиқловчи бошқа ҳужжат ихтиёрий ва Россия Қуролли кучлари ҳамда ҳарбий тузилмаларида шартнома бўйича ҳарбий хизматга чақириш йўли билан амалга оширилади.
Фармон имзоланган кундан бошлаб — 14 ноябрдан кучга кирди.
Маълумот учун, Россияда ҳарбий хизмат муддатини икки йилга ошириш таклифи муҳокама қилинмоқда. Бу техника такомиллашиб, дунё олға бораётгани, Қуролли кучларга янги тизимлар, янги комплекслар киритилаётгани, уларни эса бир йилда ўзлаштириб бўлмаслиги билан изоҳланган.
Изоҳ (0)