Антикоррупция агентлиги директори номи билан ёлғон хабарлар тарқатилмоқда

Ижтимоий тармоқларда Коррупцияга қарши курашиш агентлиги директори Акмал Бурҳонов номи билан боғлиқ ҳолда мобил илова дастури орқали мўмай маблағ қўлга киритиш мумкинлиги ҳақида ёлғон маълумотлар тарқатилмоқда.

Қайд этилишича, мазкур хабарлар ҳақиқатга мутлақо тўғри келмайди ва фуқаролардан бу каби фейк маълумотларга ишонмаслик, фирибгарлардан огоҳ бўлиш сўралади.

Эслатиб ўтамиз, асоссиз ва ёлғон ахборотни тарқатганлик учун қонунчилигимизда маъмурий ва жиноий жавобгарлик нормалари белгиланган, — дейилади хабарда.

Ёлғон хабарга кўра, Акмал Бурҳонов гўёки Ўзбекистон фуқаролари мобил иловада 1 миллион сўм олиши ва ўз картасига ўтказиши мумкинлигини маълум қилган.