Бугун,

  • USD 11095.31
  • RUB 173.84
  • EUR 10772.44

Hyatt Regency меҳмонхонасини балансда сақловчи «Пойтахт қурилиш ва хизмат» компаниясининг устав капиталидаги 100 фоиз давлат улушини сотиш бўйича келишувга эришилди. Бу ҳақда Давлат активларини бошқариш агентлиги (ДАБА) хабар бермоқда

Фото: «Дарё» / Мадина Нурман

Фото: «Дарё» / Мадина Нурман

Маълум қилинишича, меҳмонхона 87 миллион долларга Abu Dhabi Uzbek Investment’га сотилади. 

Сотув жараёнида KPMG Valuation and Consulting халқаро консалтинг компанияси ДАБАнинг хусусийлаштириш бўйича консултанти вазифасини бажарди. 

Акциялар пакетини мустақил баҳолаш халқаро баҳоловчи компания PricewaterhouseCoopers томонидан амалга оширилди. 

Битим талабгор томонидан сотиб олиш тўловига қўшимча равишда меҳмонхонани ривожлантириш учун 12 млн доллар миқдорида инвестиция киритиш мажбурияти билан бирга тўловни тўлиқ бирйўла тўлаш орқали амалга оширилади.

Abu Dhabi Uzbek Investment (БАА—Ўзбекисон) 1 млрд долларга тенг капиталга эга бўлган инвестиция компанияси ҳисобланади.

Hyatt Regency меҳмонхонасининг хусусийлаштирилиши февраль ойида эълон қилинган эди. 

Меҳмонхонанинг 2018 йилда соф фойдаси 11,9 млрд сўмни, 2019 йилда 53,5 млрд сўмни ташкил этган. 2020 йилда коронавирус туфайли фойда кўрилмаган. 2021 йил учун маълумотлар йўқ. 2022 йилнинг 9 ойида меҳмонхонанинг соф фойдаси 40 миллиард сўмни (тахминан 3,6 миллион доллар) ташкил қилган.

Изоҳ
Асосий янгиликлар
Китоб
“Шайтон китоб тимсолида ҳаётимга кириб келган ва барча нарсани ўзиники қилиб олган эди…” “Қора китоб” асари ҳақида
Дунё
Юзга тушган чандиқ, қулдорларга қарши кураш ва театрда отиб кетилган президент — Линкольн. Халқ орасида энг машҳур АҚШ президенти тақдири
Кино
“Ёнарқўнғизлар қабри”, “Юрак шивири”, “Мушукнинг қайтиши”  — Япон режиссёрларининг энг яхши анимелари