Россия ташқи ишлар вазири ўринбосари Андрей Руденко Кремль Украина билан музокараларни қайта бошлаш учун шарт қўймаслигини таъкидлади, деб хабар қилади «Интерфакс».
«Украина Россия билан тинчлик музокараларини олиб боришни тақиқловчи қонунни қабул қилди. Бу уларнинг танлови, музокараларнинг узилиб қолишида бизнинг айбимиз йўқ, биз ҳар доим бу каби музокараларга тайёрлигимизни билдирганмиз», — деди Руденко журналистларга.
«Бизнинг томондан олдиндан ҳеч қандай ортиқча шартлар йўқ: Украинанинг бунга хайрихоҳлиги кифоя», — дея қўшимча қилди у.
Октябрь ойи охирида Россия президенти Владимир Путин Россиянинг Украина билан музокаралар бўйича позицияси ўзгармаслигини, бироқ Киев музокаралар жараёнига интилмаётганини айтган эди.
Изоҳ (0)