Ўзбекистон бўйича транспортларга техник хизмат кўрсатиш ишлари энг кўп Андижонда амалга оширилган

Давлат статистика қўмитаси Ўзбекистоннинг қайси ҳудудида автомобиль ва мотоциклларга техник хизмат кўрсатиш, таъмирлаш энг кўп амалга оширилгани бўйича маълумот берди.

Таъкидланишича, 2022 йилнинг январь-сентябр ойлари давомида шаҳар ва туманлар ўртасида Андижон шаҳрида автомобиль ва мотоциклларга техник хизмат кўрсатиш, таъмирлаш бўйича юқори кўрсаткич қайд этилган. Бу ерда жорий йилнинг ўрганилаётган давридаги ҳажм 137 миллиард 618,1 миллион сўмга етган.

Автомобильлар ва мотоциклларга техник хизмат кўрсатиш, таъмирлаш бўйича кўрсатилган хизматларнинг энг юқори ҳажми кузатилган шаҳар ва туманлар ўнталиги:

• Андижон шаҳри – 137 миллиард 618,1 миллион сўм;
• Зангиота тумани – 92 миллиард 28,4 миллион сўм;
• Самарқанд шаҳри – 83 миллиард 404 миллион сўм;
• Урганч шаҳри – 65 миллиард 331,1 миллион сўм;
• Бухоро шаҳри – 54 миллиард 950,4 миллион сўм;
• Юнусобод тумани – 53 миллиард 761,5 миллион сўм;
• Чилонзор тумани – 52 миллиард 29,9 миллион сўм;
• Миробод тумани – 51 миллиард 641,5 миллион сўм;
• Яшнобод тумани – 49 миллиард 936,6 миллион сўм;
• Сергели тумани – 47 миллиард 747,7 миллион сўм.