Футбол бўйича Чемпионлар Лигасининг 6-туридан ўрин олган ўйинлар 2 ноябрь, чоршанба куни бўлиб ўтди.
F гуруҳида «Реал» «Селтик»ни қабул қилди. Учрашувнинг 6-дақиқасида Лука Модрич пенальтидан унумли фойдаланиб, ҳисобни очди. 21-дақиқада Родриго ҳам пенальтини аниқ амалга ошириб, ўз ҳисобига гол ёздириб қўйди. 51-дақиқада Марко Асенсио, 61-дақиқада Винисиус Жуниорлар ҳисобни йириклаштиришга хизмат қилувчи голларни урди. 71-дақиқада Федерико Вальверде ҳам гол муаллифига айланди. 84-дақиқада Жота ҳисобни қисқартиришга эришди.
Гуруҳнинг иккинчи ўйинида «Лейпциг» «Шахтёр» устидан 4:0 ҳисобида ғалаба қозонди. Немис клуби сафида Кристофер Нкунку, Андре Сильва, Доминик Собослаи ва Дани Олмо гол муаллифига айланди.
Шу тариқа «Мадрид» клуби 13 очко билан гуруҳни 1-ўринда якунлади. «Лейпциг» 12 очко билан 2-ўринни эгаллади. «Шахтёр» эса Европа Лигасига йўлланмани қўлга киритди.
ЕЧЛ
6-тур баҳслари
2 ноябрь, чоршанба
«Реал» – «Селтик» 5:1
Голлар: 1:0 – 6 Модрич (пенальти), 2:0 – 21 Родриго (пенальти), 3:0 – 51 Асенсио, 4:0 – 61 Винисиус Жуниор, 5:0 – 71 Вальверде, 5:1 – 84 Жота.«Реал Мадрид»: Куртуа, Карвахаль (Васкес, 64), Алаба (Начо, 66), Милитао (Вальехо, 73), Менди, Модрич (Себальос, 66), Кроос, Вальверде, Асенсио, Винисиус Жуниор (Бензема, 64), Родриго.
«Селтик»: Ҳарт, Юранович, Старфелт, Йенс, Тэйлор, Муй (Тернбулл, 63), ЎРайли, Ҳатате (Абилгор, 82), Абада (Жота, 63), Фурухаси (Якумакис, 62), Маэда (Ҳакшабанович, 63).
Огоҳлантиришлар: ЎРайли (20), Фурухаси (47).
Изоҳ (0)