Президентнинг тегишли фармонига асосан адлия катта маслаҳатчиси Ботир Қудратхўжаев бош прокурорнинг ўринбосари — Ўзбекистон ҳарбий прокурори лавозимига тайинланди.
У тайинловга қадар 2020 йилнинг октябридан буён Хоразм вилояти прокурори лавозимида ишлаб келаётганди.
Ботир Қудратхўжаев 2014—2016 йилларда Сурхондарё вилояти прокурори вазифасини бажарувчи, вилоят прокурори бўлиб ишлаган, 2016—2017 йилларда Тошкент шаҳри прокурори бўлган. 2017—2020 йилларда эса Бош прокуратура ҳузуридаги Мажбурий ижро бюроси директори лавозимида ишлаган.
ЎзАнинг ёзишича, шу кунга қадар Ўзбекистон ҳарбий прокурори лавозимида ишлаб келган Шуҳрат Узоқов бошқа ишга ўтиши муносабати билан лавозимидан озод этилган.
Изоҳ (0)