Хотирага ҳақиқатан ҳам салбий таъсир ўтказадиган 4 та маҳсулот

Деменсия ва Альцгеймер касаллигидан бугунда кўпчилик қўрқади, сабаби уларнинг хавфи келгуси ўн йилликларда ортиб бориши ҳақида жуда кўп далиллар мавжуд. Бунга бошқа нарсалар қаторида, инсонларнинг турмуш тарзи ва ҳатто нима истеъмол қилиши ҳам таъсир қилади. Тадқиқотлар шуни кўрсатдики, айрим озиқ-овқатлар когнитив функцияни бузиши мумкин. Ачинарлиси уларнинг аксарияти кўплаб одамларнинг кундалик рационига киритилган. Озиқ-овқатларнинг тўртта тоифаси ҳақиқатан ҳам когнитив пасайишга ҳисса қўшиши мумкин, деб ёзади Marie Claire.

Попкорн

Энг хавфли маҳсулотлардан бири кўпчилик севиб истеъмол қиладиган одатий газак бўлиб чиқди. Попкорн жуда ҳам зарарли ҳисобланади, чунки унинг таркибида диацетил, мияда амилоид плиталари ҳосил бўлишини кучайтирувчи кимёвий моддалар мавжуд. Диацетилнинг хавфи 2012 йилда ўтказилган тадқиқотда аниқланган, у оқсил тўпланишининг зарарли таъсирини кучайтириши мумкин. Ушбу бирикма нафас олиш ва ўпка касалликларига ҳисса қўшишини кўрсатди.

Суюлтирилган пишлоқ

Тадқиқотчилар фикрига кўра, қайта ишланган сут маҳсулотлари когнитив функцияга сезиларли даражада зарар етказади. Чунки улар мияда шикастловчи қуйқалар пайдо бўлишига сабаб бўлади, деган хулосага келди. Сўнгги тадқиқотлар шуни кўрсатдики, қайта ишланган озиқ-овқат нафақат когнитив пасайишга ёрдам беради, балки жараённи сезиларли даражада тезлаштиради. Зарарли таъсир тўрт ҳафта ичида сезилиши мумкин. Суюлтирилган пишлоқ ҳам ушбу маҳсулотлар қаторидан жой олган.

Ун маҳсулотлари

Фақат торт ва оқ нон эмас, балки макарон маҳсулотлари ҳам хавфли бўлиши мумкин. Уларнинг барчаси организмда яллиғланишни келтириб чиқаради — бу нейродегенератив касалликларнинг белгиларидан бири. Альцгеймер касаллиги ва деменсия яллиғланиш туфайли юзага келади, бу эса когнитив функцияларга салбий таъсир ўтказади. Мутахассислар оқ ун маҳсулотларини дон маҳсулотлари билан алмаштиришни тавсия этади.

Бошқа оқ маҳсулотлар

Фақат спагетти, қуритилган нон ва ширинликлар эмас, балки оқ гуруч ҳам улар билан бир хил даражада зарарли ҳисобланади. Уни истеъмол қилиш ҳам хотира сусайиши хавфини оширади. Оқ гуручни оддийлари билан алмаштириш тавсия этилади. Шунингдек, мияга фойдали таъсир кўрсатадиган ловия ва бошқа дуккакли экинларни гарнир сифатида истеъмол қилиш мумкин.