Видео: «Сурхон» қўриқхонасида кўлмакдан сув ичаётган какликлар

Давлат экология қўмитаси тасарруфидаги «Сурхон» давлат қўриқхонасида доимий муҳофазага олинган какликлар қўриқхона фотоқопқонлари объективига муҳрланди. Бу ҳақда Экоқўмита ахборот хизмати хабар қилди.

Қайд этилишича, какликлар жуда ҳушёр ва тоғларда ҳам яшашга яхши мослашган. Улар, асосан, май ойининг иккинчи ярмидан бошлаб тухум қўя бошлайди, уясини тошлар, буталар, ўтлар остига қуради. Жўжаси тухумдан 20 кунда чиқади ва шу куниёқ онасига эргашиб юра олади. Ўсимликларнинг куртаги, барглари, дон ва уруғлари, ҳашаротлар, уларнинг личинкалари билан озиқланади.

Ушбу тасвирда учишни яхши ўрганиб, катта какликлар ёнига қўшилган бу йилги жўжаларни кўриш мумкин.