Фарғона шаҳрида халқаро Марказий Осиё тиббиёт университети — Central Asia Medical University олийгоҳининг очилиш маросими бўлиб ўтди. Бу ҳақда «Дарё» мухбири Азизжон Эрматов хабар бермоқда.
Қайд этилишича, янги олий таълим муассасаси қурилиши ва жиҳозлаш ишларига 128 миллиард сўм маблағ сарфланган.
«Meridian Diagnostic Hospital» МЧЖ муассислигида ташкил этилган ушбу олийгоҳга жорий йилда даволаш иши, стоматология ва педиатрия йўналишларида 600 нафар талаба қабул қилинган.
Келгуси ўқув йилидан бошлаб 1 минг 500 нафар талаба ўқишга қабул қилиниши режалаштирилган.
Олийгоҳда республикада тиббиёт соҳасида кўзга кўринган профессор-ўқитувчилар, малакали хорижлик мутахассислар таълим беради.
Тадбир давомида «Талабаликка бағишлов» тадбири ўтказилиб, университетнинг 1-курс талабалари талабалик қасамёдини қабул қилди.
Маълумот учун, Фарғона вилоятидаги олий таълим муассасалари сони 12 тага етди. Тез орада Қўқон шаҳрида озиқ-овқат технологияси ва муҳандислиги халқаро институти ташкил этилади.
Изоҳ (0)